സഞ്ചരിക്കുന്ന ചലച്ചിത്രോത്സവം

കേരള ചലച്ചിത്ര അക്കാഡമി,പബ്ലിക്ക് റിലേഷന്‍സ് വകുപ്പ്,ചങ്ങരംകുളം കാണി ഫിലിം സൊസൈറ്റി എന്നിവയുടെ ആഭിമുഖ്യത്തില്‍ സഞ്ചരിക്കുന്ന ചലച്ചിത്രോത്സവം ചങ്ങരംകുളത്തെ പ്രദര്‍ശനത്തോടെ മലപ്പുറം ജില്ലയിലെ പര്യടന പൂര്‍ത്തിയാക്കി.ജെര്‍മല്‍,യെല്ലോഗ്ലാസ്സ്,അന്‍ ലക്കി,ത്രീജി,ട്രൂനൂണ്‍,മൈ സീക്രട്ട് സ്കൈ എന്നീ ചിത്രങ്ങളാണ് ചങരംകുളം കൃഷ്ണാ മൂവീസില്‍ പ്രദര്‍ശിപ്പിച്ചത്.

അയ്യപ്പന്‍ അനുസ്മരണം ചങ്ങരംകുളത്ത്

2010 നവംബര്‍ 21

വൈകുന്നേരം 4 മണി

ചങ്ങരംകുളം സര്‍വ്വീസ് ബാങ്ക്

ഓഡിറ്റോറിയം

അയ്യപ്പന്‍ അനുസ്മരണം:

പി.എന്‍. ഗോപികൃഷ്ണന്‍

ആലങ്കോട് ലീലാകൃഷ്ണന്‍

വൈകുന്നേരം 6.00:

ചലച്ചിത്ര പ്രദര്‍ശനം

ഇത്രയും യാതഭാഗം

സംവിധാനം: ഒഡേസ സത്യന്‍

പഥേര്‍ പാഞ്ചാലി:പ്രദര്‍ശനവും പഠന ക്ലാസ്സും

ചങ്ങരം കുളം കാണി ഫിലിം സൊസൈറ്റിയുടെ ആഭിമുഖ്യത്തില്‍ പഥേര്‍ പാഞ്ചാലി, ദി കിഡ്,ബഷീര്‍ ദ് മേന്‍ എന്നീ ചിത്രങ്ങളുടെ പ്രദര്‍ശനവും പഠനക്ലാസ്സും നടത്തുന്നു.പ്രദര്‍ശനം ഒക്ടോബര്‍ 7നും പഠനക്ലാസ്സ് ഒക്ടോബര്‍9നും ചങ്ങരം കൃഷ്ണാ മൂവീസില്‍ വെച്ച് നടക്കും.പഠന ക്ലാസ്സ് ചലച്ചിത്ര നിരൂപകനായ ഐ.ഷണ്മുഖദാസ് നയിക്കും.കൂടുത വിവരങ്ങള്‍ കാണിയുടെ ബ്ലോഗില്‍

പത്മരാജന്‍ ചലചിത്രപ്രദര്‍ശനം

ചങരംകുളം ‘കാണി’ഫിലിം സൊസൈറ്റിയുടെ ആഭിമുഖ്യത്തില്‍ പത്മരാജന്‍ സംവിധാനം ചെയ്ത ചലച്ചിത്രങ്ങളുടെ പ്രദര്‍ശനം സംഘടിപ്പിക്കുന്നു.പെരുവഴിയമ്പലം, കള്ളന്‍ പവിത്രന്‍, ന്ന‍വമ്പറിന്റെ നഷ്ടം എന്നീ ചിത്രങ്ങളും പത്മരാജനെക്കുറിച്ച് രാജേഷ് മേനോന്‍ സംവിധാനം ചെയ്ത ‘കടല്‍ക്കാറ്റില്‍ ഒരു ദൂത്’എന്ന ഡോക്യുമെന്ററിയുമാണ് പ്രദര്‍ശിപ്പിക്കുന്നത്.സെപ്തംബര്‍ 5ന് കാലത്ത് 9.30 മുതല്‍ ചങ്ങരംകുളം കൃഷ്ണാ മൂവീസിലാണ് പ്രദര്‍ശനം.കൂടുതല്‍ വിവരങ്ങള്‍ കാണി യുടെ ബ്ലോഗില്‍

ഭരത് മുരളീ പുരസ്ക്കാരം ശശിപരവൂരിനും വി.മോഹനകൃഷ്ണനും

തൃശ്ശൂര്‍ ആസ്ഥാനമായുള്ള മനസ്സ് സര്‍ഗ്ഗ വേദിയുടെ രണ്ടാമത് ഭരത് മുരളി പുരസ്കാരങ്ങള്‍ പ്രഖ്യാപിച്ചു.മികച്ച സംവിധായകനായി ‘കടാക്ഷം‘ എന്ന ചിത്രത്തിന്റെ സംവിധായകന്‍ ശശി പരവൂരിനേയും മികച്ച കാവ്യസമാഹാരമായി വി.മോഹനകൃഷ്ണന്റെ ‘വയനാട്ടിലെമഴ’യും തെരഞ്ഞെടുക്കപ്പെട്ടു. ശശിപരവൂര്‍ കടാക്ഷം(2010)എന്ന ചിത്രത്തിനു പുറമേ ‘നോട്ടം‘(2005) എന്ന ചിത്രവും സംവിധാനം ചെയ്തിട്ടുണ്ട്.എറണാം കുളംജില്ലയിലെ പരവൂര്‍ സ്വദേശിയും അഭിഭാഷകനുമാണ്. വി.മോഹനകൃഷ്ണന്‍ മലപ്പുറം ജില്ലയിലെ ചങ്ങരംകുളം സ്വദേശിയും ചങ്ങരംകുളത്തെ ‘കാണി’ഫിലിം സൊസൈറ്റിയുടെ പ്രധാന സംഘാടകനുമാണ്. വി.മോഹനകൃഷ്ണന്റെ പ്രഥമ പുസ്തകമാണ് ‘വയനാട്ടിലെ മഴ‘. കറന്റ് ബുക്സ്,തൃശ്ശുര്‍ ആണ് പ്രസാധകര്‍.