എടപ്പാളുകാരുടെ മാത്രം ഡോക്ടറായിരുന്നില്ല അദ്ദേഹം.തൊട്ടടുത്ത ചങ്ങരംകുളത്തുകാരുടേയും അതിനുചുറ്റുമുള്ള പല നാട്ടുകാരുടേയുംഡോക്ടറായിരുന്നു.ആര്ക്കും എപ്പോഴും കയറിച്ചെല്ലാവുന്ന,കുറഞ്ഞ ചെലവില് ചികിത്സ സാധ്യമാവുന്ന സാധാരണക്കാരുടെഡോക്ടര്.ഒറ്റമുണ്ടുടുത്ത് ഷര്ട്ടിടാതെ രോഗികളെ പരിശോധിക്കുന്ന ഒരാളെ മറ്റെവിടെയും കണ്ടിട്ടില്ല. തിക്കിത്തിരക്കികയറുന്ന ഒന്നിലധികം രോഗികളെ ഒരേസമയം പരിശോധിക്കുകയും ചെയ്യും.പലപ്പോഴും അദ്ദേഹത്തെ കാണാന് ചെല്ലുന്ന ഒരാള്ക്ക് വാഴത്തോട്ടത്തില് പണിയെടുക്കുന്ന ഡോക്ടറെയാവും കാണാനാവുക.നല്ലൊരു കൃഷിക്കാരനും നല്ലൊരു മനുഷ്യനുമായിരുന്നു അദ്ദേഹം. അതുകൊണ്ടൂകൂടിയാണ് തന്റെ ഭൌതിക ശരീരം കോഴിക്കോട് മെഡിക്കല് കോളേജിന് പഠനാവശ്യത്തിന് സംഭാവന നല്കാന് അദ്ദേഹം തീരുമാനിച്ചത്.സ്വന്തം ശരീരം ഇങ്ങനെ സംഭാവന ചെയ്യുന്ന ഒരാളുടെ വലിയ മനസ്സ് എന്തെന്നറിയാനും അതിനോട് ആദരവു കാണിക്കാനും ആര്ക്കുണ്ട് നേരം? ഡോ.വേലായുധന്റെ മൃത്ദേഹത്തിനെന്തു സംഭവിച്ചു എന്നറിയാന് ഈ കുറിപ്പു കാണുക.(ദേശാഭിമാനി വാരിക,2009 ഏപ്രില്26)
